-

 ವಿಪ್ರೋ : ಬೋನಸ್ ಷೇರು ಘೋಷಣೆ ಸಾಧ್ಯತೆ 


ಸದ್ಯಕ್ಕೆ ಅತ್ಯಂತ ಅಗ್ಗದ ದರದಲ್ಲಿ ಲಭ್ಯವಿರುವ ಐಟಿ ಸ್ಟಾಕ್ ಗಳಲ್ಲಿ ಅತ್ಯಂತ ಅಗ್ಗದ ಸ್ಟಾಕ್ ಗಳಲ್ಲೊಂದು ವಿಪ್ರೋ ಸ್ಟಾಕ್. ಎರಡು ವರ್ಷಗಳ ಹಿಂದೆ ಏಳು ನೂರು ರೂಪಾಯಿ ದಾಟಿದ್ದ ಈ ಷೇರು ಈಗ 528ರ ಆಸುಪಾಸಿನಲ್ಲಿದೆ. 


ಎರಡು ವರ್ಷಗಳ ನಿರಾಸೆ ಬಳಿಕ ಎಲ್ಲಾ ಐಟಿ ಷೇರುಗಳಿಗೆ ಈಗ ಶುಕ್ರದೆಸೆ ಆರಂಭವಾದಂತಿದೆ. ಅದಕ್ಕೆ ವಿಪ್ರೋ ಸ್ಟಾಕ್ ಕೂಡಾ ಹೊರತಲ್ಲ. ಆರು ನೂರರ ಗಡಿಗೆ ಈ ಸ್ಟಾಕ್ ಇನ್ನೇನು ಕೆಲವೇ ದಿನಗಳಲ್ಲಿ ತಲುಪಲಿದೆ ಎನ್ನುವ ಸುದ್ದಿಯ  ಜೊತೆಗೆ ಇನ್ನೊಂದು ಶುಭ ಸುದ್ದಿ ಇಲ್ಲಿದೆ. 



ಇನ್ನು ಕೆಲವೇ ದಿನಗಳಲ್ಲಿ ವಿಪ್ರೋ ತನ್ನ ಷೇರುದಾರರಿಗೆ ಬೋನಸ್ ಷೇರು ನೀಡುವ ಬಗ್ಗೆ ಚಿಂತನೆ ನಡೆಸಿದೆ ಎನ್ನಲಾಗಿದೆ. ಇದೆ ತಿಂಗಳ   17ರಂದು ಈ ಬಗ್ಗೆ ಅಂತಿಮ ನಿರ್ಧಾರ ತೆಗೆದುಕೊಳ್ಳುವ ಸಾಧ್ಯತೆ ಇದೆ. 


ನಿಮಗೆ ತಾಳ್ಮೆ ಇದ್ದರೆ , ಈ  ಷೇರನ್ನು ನೀವು ಖರೀದಿಸಬಹುದಾಗಿದೆ. 


(ಸೂಚನೆ:  ಷೇರು ಬೆಲೆಗಳು ಸ್ಟಾಕ್ ಮಾರುಕಟ್ಟೆಯ ಏರಿಳಿತ ಅವಲಂಬಿಸಿರುತ್ತದೆ. ಈ ಲೇಖನ ತಜ್ಞರ ವಿಶ್ಲೇಷಣೆ ಆಧರಿಸಿದ್ದಾಗಿದೆ.  ಹೂಡಿಕೆದಾರರು, ತಜ್ಞರೊಂದಿಗೆ ಸಮಾಲೋಚಿಸಿ, ಹೂಡಿಕೆ ನಿರ್ಧಾರ ತೆಗೆದುಕೊಳ್ಳಬೇಕು )


ಕಾಮೆಂಟ್‌ಗಳು

ಕಾಮೆಂಟ್‌‌ ಪೋಸ್ಟ್‌ ಮಾಡಿ

ಈ ಬ್ಲಾಗ್‌ನ ಜನಪ್ರಿಯ ಪೋಸ್ಟ್‌ಗಳು

-
 ಪ್ರತಿ ವೇದಾಂತ ಸ್ಟಾಕ್ ನಿಂದ ನೂರು ರೂಪಾಯಿ ಲಾಭ?  ಸದ್ಯಕ್ಕೆ ಸುದ್ದಿಯಲ್ಲಿರುವ ಪ್ರಮುಖ ಷೇರು ವೇದಾಂತ. ಇಂದು ಕಂಪನಿ ಈ ಆರ್ಥಿಕ ವರ್ಷದ ನಾಲ್ಕನೇ ಡಿವಿಡೆಂಡ್ ಘೋಷಿಸುವ ಸಾಧ್ಯತೆ ಇದೆ. ಅದರ ಜೊತೆಗೆ ಇನ್ನೊಂದು ದೊಡ್ಡ ಸುದ್ದಿ ಈಗಷ್ಟೇ ಹೊರಬಿದ್ದಿದೆ.  ಮಂಗಳವಾರ 497.80ಕ್ಕೆ ಮುಕ್ತಾಯಗೊಂಡಿದ್ದ ಈ ಸ್ಟಾಕ್ 600 ರುಪಾಯಿಗೆ ಏರಬಹುದು ಎಂಬ ವರದಿಯನ್ನು ಐಸಿಐಸಿಐ ಸೆಕ್ಯುರಿಟೀಸ್ ನೀಡಿದೆ. ಕಳೆದ ಮೂರೂ ತಿಂಗಳಲ್ಲಿ  24 ರೂಪಾಯಿ ಡಿವಿಡೆಂಡ್ ನೀಡಿರುವ ಕಂಪನಿ ಷೇರುಗಳನ್ನು ನೀವು ಲಾಂಗ್ ಟರ್ಮ್ ಹೂಡಿಕೆಗೆ ಖರೀದಿಸಬಹುದು. 
ಇನ್ನಷ್ಟು ಓದಿ
-
 ನೆನಪಿಡಿ: ಈ ಸರಕಾರಿ   ಸ್ಟಾಕ್ 1,200 ರೂಪಾಯಿಗೂ ಮಿಕ್ಕಿ ಕುಸಿದಿದೆ! ಕೇಂದ್ರ ಸರಕಾರ ಸ್ವಾಮ್ಯದ ಹಿಂದೂಸ್ತಾನ್ ಏರೋನಾಟಿಕ್ಸ್ ಲಿಮಿಟೆಡ್ ತನ್ನ ೫೨ ವಾರಗಳ ಗರಿಷ್ಠ ಮಟ್ಟದಿಂದ ಸುಮಾರು 1,200 ರೂಪಾಯಿಗೂ ಹೆಚ್ಚು ಕುಸಿದಿದೆ. ಈಗ ಈ ಷೇರು ಮತ್ತೆ ಸುದ್ದಿಯಲ್ಲಿದೆ ಅದಕ್ಕೆ ಕಾರಣ ಇಷ್ಟೇ.  ಶನಿವಾರ ಈ ನವರತ್ನ ಸಂಸ್ಥೆಯನ್ನು ಕೇಂದ್ರ ಸರಕಾರ ಮಹಾರತ್ನ ಸಂಸ್ಥೆಯಾಗಿ  ಘೋಷಿಸಿದೆ. ಹೀಗಾಗಿ, ಸೋಮವಾರವೂ ಈ ಸಂಸ್ಥೆಯ ಷೇರು ದೊಡ್ಡ ಮಟ್ಟದಲ್ಲಿ ಏರಿಕೆ ಕಾಣುವ ನಿರೀಕ್ಷೆ ಇದೆ.  ದೇಶದ ೧೪ನೇ ಮಹಾರತ್ನವಾಗಿ ಘೋಷಣೆಯಾಗಿರುವ ಹಿಂದೂಸ್ತಾನ್ ಏರೋನಾಟಿಕ್ಸ್ ಸಂಸ್ಥೆಯ ಷೇರುಗಳು ಕಳೆದ ಆರು ತಿಂಗಳಲ್ಲಿ ಕುಸಿತದ ದಾರಿಯಲ್ಲಿದೆ. ಆದಾಯ, ಲಾಭ, ಹಾಗು ಶೂನ್ಯ ಸಾಲ ಹೀಗೆ ಎಲ್ಲವು ಧನಾತ್ಮಕವಾಗಿದ್ದರು ಈ ಷೇರುಗಳ ಕುಸಿತ ಎಲ್ಲ ಹೂಡಿಕೆದಾರರ ನೆಮ್ಮದಿ ಕಸಿದಿದೆ.  ಸದ್ಯಕ್ಕೆ ನೀವು ದೀರ್ಘಾವಧಿಯ ಹೂಡಿಕೆದಾರರಾಗಿದ್ದರೆ ಇದಕ್ಕಿಂತ ಬೆಸ್ಟ್ ಸ್ಟಾಕ್ ಇನ್ನೊಂದಿಲ್ಲ.  (ಸೂಚನೆ:   ಷೇರು  ಬೆಲೆಗಳು ಸ್ಟಾಕ್  ಮಾರುಕಟ್ಟೆ ಯ ಏರಿಳಿತ ಅವಲಂಬಿಸಿರುತ್ತದೆ. ಈ ಲೇಖನ ತಜ್ಞರ ವಿಶ್ಲೇಷಣೆ ಆಧರಿಸಿದ್ದಾಗಿದೆ.  ಹೂಡಿಕೆದಾರರು, ತಜ್ಞರೊಂದಿಗೆ ಸಮಾಲೋಚಿಸಿ, ಹೂಡಿಕೆ ನಿರ್ಧಾರ ತೆಗೆದುಕೊಳ್ಳಬೇಕು )
ಇನ್ನಷ್ಟು ಓದಿ

66,000 ಗಡಿ ದಾಟಿದ ಸೆನ್ಸೆಕ್ಸ್: ಮುಂದಿನ ನಿಲ್ದಾಣ 70,000?

-
 ಬಾಂಬೆ ಸ್ಟಾಕ್ ಎಕ್ಸ್ಚೇಂಜ್ ಗುರುವಾರ ವಿನೂತನ ದಾಖಲೆ ಸಾಧಿಸಿತು. ಷೇರು ಸೂಚ್ಯಂಕ 66,000 ಗಡಿ ದಾಟಿತು. 6೦೦ ಅಧಿಕ  ಅಂಶ ಏರಿಕೆಯೊಂದಿಗೆ ಈ ವಿನೂತನ ದಾಖಲೆ ಸಾಧಿಸಲಾಯಿತು. ಸೆನ್ಸೆಕ್ಸ್ ಮುಂದಿನ ನಿಲ್ದಾಣ ೭೦,೦೦೦ ಅನ್ನುತ್ತಾರೆ ತಜ್ಞರು.  ಝೋಮ್ಯಾಟೋ, ಜೆನ್ ಟೆಕ್ ಹೀಗೆ ಸಾಲು ಸಾಲು ಸ್ಟಾಕ್ ಗಳು ಹೊಸ ಎತ್ತರಕ್ಕೆ ಗುರುವಾರ ಏರಿದವು. ಆ ಮೂಲಕ ಹೊಸ ದಾಖಲೆಗಳನ್ನು ಸ್ಟಾಕ್ ಮಾರ್ಕೆಟ್ ಸೃಷ್ಟಿಸಿತು.  ಹಣದುಬ್ಬರ ಸೇರಿದಂತೆ ಸಧ್ಯಕ್ಕೆ ದೇಶದ ಆರ್ಥಿಕತೆಗೆ ಅತಿ ದೊಡ್ಡ ಸವಾಲು ಗಳೇನಿಲ್ಲ. ಹೀಗಾಗಿ ಸೆನ್ಸೆಕ್ ಇನ್ನಷ್ಟು ಎತ್ತರಕ್ಕೇರುವುದು ಖಚಿತ ಎನ್ನುತ್ತಾರೆ ತಜ್ಞರು.  ಜಾಗತಿಕ ಆರ್ಥಿಕ ಮಾರುಕಟ್ಟೆ ಕೂಡಾ ಸ್ಥಿರವಾಗಿದೆ. ಸದ್ಯಕ್ಕೆ ಇರುವ ಬಹು ದೊಡ್ಡ ಸವಾಲು ರಷ್ಯಾ-ಉಕ್ರೇನ್ ಯುದ್ಧ. ಇದನ್ನು ಹೊರತು ಪಡಿಸಿದರೆ ಗೂಳಿ ಓಟ ಸದ್ಯ ನಿರಾತಂಕದಲ್ಲಿದೆ. 
ಇನ್ನಷ್ಟು ಓದಿ